Të mërkurën, më 30 nëntor, OJQ Aktiv organizoi një darkë pune për gazetarët në Beograd. Së bashku me anëtarët e platformës Empirika, puna e OJQ-së Aktiv si dhe rezultatet e hulumtimeve dhe raporteve të fundit iu prezantuan përfaqësuesve të mediave në Serbi dhe korrespondentëve nga Beogradi.
Gazetarëve iu prezantuan hulumtimet të cilat përcjellin trendet në qëndrimet e serbëve të Kosovës dhe pozitën e komuniteteve joshumicë, duke treguar rezultatet lidhur me përqindjen e përmbushjes së obligimeve ligjore nga institucionet kompetente dhe respektimin e të drejtat e komuniteteve.
U analizuan temat aktuale lidhur me situatën në Kosovë, problemet dhe nevojat e komunitetit serb në Kosovë, rëndësia e dialogut në Bruksel, kontributi i sektorit civil nga komuniteti serb në monitorimin e punës së institucioneve. Ishte folur edhe për gjendjen aktuale në veri të Kosovës dhe se si sfidat aktuale në negociata reflektohen në qëndrimin e komunitetit serb në Kosovë.
Në këtë ngjarje morën pjesë gazetarë të agjencisë Fonet, Federalna TV, Revista javore NIN, RTK, DW, Radio Gorazhdevc. Atyre iu drejtuan drejtori ekzekutiv i OJQ Aktiv Miodrag Milliqeviq dhe shefja e zyrës së OJQ Aktiv në Beograd, Millica Orlloviq.
Milliqeviq prezantoi aktivitetet që OJQ Aktiv i kryen si në Kosovë ashtu edhe në Beograd, si pjesë e projekteve që kanë të bëjnë me monitorimin e politikave, avokimin dhe edukimin dhe ngritjen e vetëdijes së qytetarëve.
“Takime të tilla janë kanale të rëndësishme komunikimi, bashkëpunimi dhe shkëmbimi të informacionit ndërmjet gazetarëve dhe shoqërisë civile”, tha Milliqeviq.
