Me kënaqësi të madhe ju ftojmë në konferencën për publikimin e raportit vjetor mbi pozitën e komunitetit serb në Kosovë, sfidat dhe perspektivat.
Në hulumtimin “Analiza e Trendeve 2024: Qëndrimet e komunitetit serb në Kosovë”, që e botojmë për të nëntin vit radhazi, ndjekim ndryshimet në opinionin publik të komunitetit serb në Kosovë, me fokus kryesor mbi shqetësimet, lirinë e shprehjes, besimin ndaj politikanëve dhe çështje të tjera me rëndësi thelbësore për këtë komunitet.
Anketa e parë u zhvillua në vitin 2016 në katër komunat në veri të Kosovës, ndërsa nga viti 2019 është shtrirë në të gjitha komunat dhe vendbanimet me shumicë serbe në të gjithë territorin e Kosovës. Analiza e sivjetme paraqet të dhëna gjithëpërfshirëse dhe një analizë të perceptimeve të serbëve në Kosovë, duke synuar që të japë një pasqyrë të qartë mbi nevojat dhe prioritetet e komunitetit serb, si dhe të përcjellë shqetësimet dhe pakënaqësitë kryesore.
Gjetjet kryesore të hulumtimit
- Hulumtimi i OJQ-së Aktiv tregon për një shqetësim të thellë të komunitetit serb lidhur me situatën politike dhe të sigurisë në Kosovë. Sipas të anketuarve nga veriu i Kosovës, Qeveria e Kosovës dhe Policia e Kosovës gëzojnë nivelin më të ulët të besimit – me notën më të keqe: njëshen.
- Plot 90% e të anketuarve mendojnë se situata në Kosovë nuk po zhvillohet në drejtim të mirë. Pessimizmi mbizotëron edhe për të ardhmen: vetëm një nga dhjetë të anketuar beson se jeta për serbët në Kosovë do të përmirësohet gjatë tre viteve të ardhshme. Sfida më e madhe e identifikuar është paqëndrueshmëria politike, të cilën 44% e të anketuarve e konsiderojnë si problemin kryesor.
- Sa i përket vazhdimit të dialogut ndërmjet Beogradit dhe Prishtinës në kuadër të procesit të Brukselit, 41.7% e të anketuarve nuk kanë një qëndrim, ndërsa përkrahësit dhe kundërshtarët janë të ndarë pothuajse barabartë (29%). Këto të dhëna dëshmojnë për mosbesim të thellë, konfuzion dhe ndjenjë të përjashtimit të qytetarëve nga një proces që ndikon drejtpërdrejt në jetën e tyre të përditshme.
AGJENDA
11:00 – 11:10 Mbërritja dhe regjistrimi i pjesëmarrësve
11:10 – 11:20 Fjalë hyrëse – Miodrag Milliqeviq, Drejtor Ekzekutiv i OJQ AKTIV
11:20 – 12:00 Prezantimi i rezultateve të hulumtimit
12:00 – 12:45 Diskutim i hapur dhe komente
Përkthimi në gjuhën serbe, shqipe dhe angleze do të jetë i siguruar.
