Incidentet në veri të Kosovës kohët e fundit janë bërë gjithnjë e më të shpeshta dhe mosbesimi i qytetarëve ndaj Policisë së Kosovës dhe institucioneve po rritet. Shumë banorë ndihen të pasigurt dhe shprehin shqetësim për rastet e shumta që ndodhin çdo ditë në komunitetet e tyre.
Prandaj, ftojmë të gjithë qytetarët të na kontaktojnë dhe të raportojnë incidentet e mëposhtme:
- Ngacmimi verbal, fizik ose seksual ndaj grave dhe vajzave – çdo formë e fyerjes ose sjelljes së pahijshme.
- Problemet në trafik – situata të shkaktuara nga barrierat gjuhësore ose reagime të papërshtatshme të policisë.
- Mospërfillja e Ligjit për përdorimin e gjuhëve.
- Rastet kur mendoni se Policia, Inspektorati Policor ose institucionet e tjera nuk kanë vepruar siç duhet ose në mënyrë transparente (shkelje të të drejtave gjuhësore, qasja në informacion me rëndësi publike, etj.).
- Liria e shprehjes dhe e drejta për protestë
- Incidentet në pikat policore – çdo përplasje ose parregullsi në pikat me njësi speciale të policisë / policinë rrugore dhe
- Probleme me policinë dhe qëndrimin e tyre ndaj qytetarëve dhe mediave – vështirësimi i punës së gazetarëve ose reagime agresive të oficerëve të policisë, etj.
Nëse jeni dëshmitarë ose viktima të dhunës, diskriminimit, veprimeve të paligjshme ose mendoni se ka pasur abuzim të pozitës, shkelje të ligjit ose të drejtat tuaja njerëzore janë shkelur, si dhe çdo lloj tjetër të parregullsive, ju lutemi telefononi linjën tonë për raportimin e incidenteve në numrin:
+381 65 9055305 ose përmes email-it në: info@ngoaktiv.org
Raportimi juaj është thelbësor për dokumentimin e të gjitha parregullsive, gabimeve dhe mosrespektimit të ligjit, në mënyrë që së bashku t’i bëjmë thirrje komunitetit ndërkombëtar për të siguruar respektimin e të drejtave të garantuara me kushtetutë dhe ligje për komunitetet jo-shumicë në Kosovë.
