Si të dallojmë lajmet e rreme? Si të mbrohemi nga manipulimi dhe propaganda? Në një atmosferë interaktive, me të rinjtë, aktivistët civilë dhe punonjësit e arsimit, eksploruam sfidat e hapësirës mediatike moderne dhe epokës digjitale.
Përmes ushtrimeve interaktive, pjesëmarrësit zhvilluan të menduarit kritik, analizuan përmbajtjen dhe mësuan të dallojnë burimet e besueshme nga narrativat manipuluese. Fokus i veçantë ishte te algoritmet e rrjeteve sociale dhe roli i tyre në përhapjen e dezinformatave, si dhe te teknikat për verifikimin e burimeve. Diskutimet e angazhuara u mundësuan pjesëmarrësve të shkëmbejnë përvoja, të analizojnë shembuj dhe të hartojnë strategji për luftën kundër lajmeve të rreme.
Edhe një herë konfirmuam – edukimi është çelësi! Vazhdojmë të forcojmë edukimin mediatik, sepse vetëm qytetarët e informuar mund të marrin vendime të drejta. 
