Dënojmë fuqishëm ndalimin e paligjshëm dhe rrahjen e mëvonshme nga Policia e Kosovës të qytetarit të nderuar të Mitrovicës së Veriut, babait dhe bashkëshortit, Millosh Subotiq. Arrestimi dhe rrahja e tij është një tjetër akt në serinë e veprimeve të paligjshme të pjesëtarëve të Rajonit të Veriut dhe nënvizon shkallën e joprofesionalizmit dhe indinjatës së gjëja përfaqësuesve të organeve të rendit ndaj qytetarëve.
Heshtja e vazhdueshme e këshilltarëve të policisë lokale të EULEX-it dhe i gjithë misionit për modelin e veprimeve të paligjshme policore vazhdon të jetë e papranueshme dhe për këtë arsye kërkojmë që ky mision të përfundojë menjëherë praktikën e mosveprimit publik të gjetjeve të veta për punën e policisë dhe tash e tutje të deklarohet për të gjitha kontestet e rastet ose në të kundërtën, të ndalojë plotësisht gjoja monitorimin e punës së policisë që pretendon se kryen.
Organizatat nënshkruese të kësaj deklarate do të bëjnë reklamë çdo ditë derisa EULEX-i të prezantojë vlerësimin për veprimet e policisë në rastin e Millosh Subotiqit. Po ashtu, ne po i ndërpresim të gjitha format e bashkëpunimit dhe takimeve me këtë mision derisa të paraqesin vlerësimin e tyre për punën e policisë dhe forcave speciale në veri.
Njëkohësisht, kërkojmë inicimin e një hetimi më të gjerë nga Inspektorati Policor i Kosovës për tërë veprimet e Rajonit të Veriut, këtë rast individual, por edhe të gjitha incidentet e mëparshme në të cilat pjesëtarët e Policisë së Kosovës, me uniformë apo civil, ishin të përfshirë.
Në fund, ftojmë Institucionin e Avokatit të Popullit që të nisë një hetim ex-officio për gjendjen e lirive themelore qytetare në komunat në veri të Kosovës.
OJQ Aktiv
Qendra për Veprim Afirmativ Social – CASA
Qendra Avokuese për Kulturë Demokratike – ACDC
Instituti për Zhvillim Ekonomik Territorial – INTER
Nisma e re sociale – NSI
