Reagim
Forumi për Integritetin e Informacionit[1] shpreh shqetësime të thella pas votimit në Kuvendin e
Kosovës të Ligjit për Komisionin e Pavarur për Media. Qeveria e Kosovës e miratoi ligjin me një
kuorum minimal në mes të bojkotit të opozitës. Partia në pushtet shpërfilli shqetësimet dhe
rekomandimet e mediave dhe shoqërisë civile, Bashkimit Evropian në Kosovë, Këshillit të Evropës,
Ambasadës Gjermane, UNMIK-ut dhe OSBE-së, si dhe raportin e ekspertëve të Këshillit të Evropës
që tregon për mungesën e harmonizimit të ligjit me standardet evropiane.
Ky vendim paraqet një sulm ndaj lirisë së mediave, duke dëmtuar potencialisht rangimin e Kosovës
në indeksin e lirisë së mediave. Forumi i Integritetit të Informacionit kërkon përdorimin e të gjitha
masave ligjore dhe kushtetuese për të penguar zbatimin e ligjit.
Anëtarët nënshkrues:
- Ardita Zejnullahu, Asociacioni i Mediave të Pavarura Elektronike të Kosovës (AMPEK)
2.Bardhi Bakija, Sbunker
- Dren Gërguri, Ligjërues
- Flutura Kusari, Aktiviste
- Imer Mushkolaj, Këshilli i Mediave të Shkruara të Kosovës (KMShK)
- Miodrag Milićević, NGO Aktiv
- Naile Dema, Gazetare
- Shkelzen Osmani, Action for Democratic Society (ADS)
- Xhemajl Rexha, Asociacioni i Gazetarëve të Kosovës (AGK)
- Gentiana Begolli, Gazetare
- Albert Krasniqi, Democracy Plus
- Saranda Ramaj, Gazetare
- Florent Spahija, Këshilli i Mediave të Shkruara të Kosovës (KMSHK)
- Rezarta Delibashzade Krasniqi, Demokraci për Zhvillim D4D
[1] Forumi për Integritetin e Informacionit u themelua si një mekanizëm joformal me mbështetjen e Institutit Kombëtar Demokratik (NDI) përmes
Agjencisë së Shteteve të Bashkuara për Zhvillim Ndërkombëtar (USAID) në dhjetor 2021, për të lehtësuar dialogun e brendshëm midis aktorëve
kyç për zgjidhjet e mundshme për problemet e ambientit medial dhe të informacionit në Kosovë. Publikimet dhe reagimet e Forumit për
Integritetin e Informacionit, nuk reflektojnë me doemos pikëpamjet dhe pozicionet e NDI-së dhe USAID-it.
.
.
.
.
.
.
.
