Të nderuar/a,
Organizata joqeveritare Aktiv ka kënaqësinë t’ju ftojë në një diskutim publik me titullin:
„Sfidat e sigurisë dhe besimi: Raporti ndërmjet policisë dhe komunitetit në veri të Kosovës”,
i cili do t’i kushtohet analizës së sfidave të përditshme me të cilat përballen qytetarët në veri të Kosovës.
Qëllimi është që së bashku me aktorët relevantë të hapim dialog mbi tema të ndjeshme që lidhen me sigurinë dhe ndërtimin e besimit ndërmjet policisë dhe qytetarëve. Biseda do të fokusohet në perceptimin e pranisë së policisë në komunitet, efikasitetin e reagimit ndaj incidenteve, si dhe në çështjen e besimit – a ndihen qytetarët të mbrojtur?
Veçanërisht do të ndalemi te mekanizmat e llogaridhënies dhe transparencës së institucioneve. Do të trajtojmë mënyrën se si trajtohen ankesat e qytetarëve, duke përfshirë dëshmitë për ngacmime seksuale verbale dhe akuzat për përdorim të tepruar të forcës. Do të identifikojmë nëse mekanizmat ekzistues funksionojnë në mënyrë efikase dhe do të shqyrtojmë mënyra konkrete për ndërtimin dhe forcimin e besimit ndërmjet komunitetit dhe policisë.
Ngjarja do të mbahet më 29 maj 2025, në hapësirat e Civic Energy Center (CEC) në Mitrovicën e Veriut.
Më shumë informacione rreth përmbajtjes së diskutimit gjenden në agjendën bashkëngjitur.
AGJENDA
Data: 29.05.2025
Vendi: Qendra për Energji Qytetare, Mitrovica e Veriut
Kohëzgjatja: 11:00 – 13:00
Moderator: TBA
11:00 – 11:15 Hyrje
- Kontekst i shkurtër i situatës aktuale të sigurisë në veri të Kosovës
11:15 – 12:00 Qytetarët dhe policia – sfidat dhe besimi
- Prania e policisë në komunitet: si e përjetojnë qytetarët?
- Reagimi i policisë ndaj incidenteve dhe situatave emergjente
- Çështja e besimit: a ndihen qytetarët të mbrojtur?
- A kanë qytetarët besim të raportojnë problemet te policia?
12:00 – 12:45 Besimi përmes transparencës: Si reagojnë institucionet ndaj ankesave?
- Dëshmitë e grave për ngacmime seksuale verbale – reagimi institucional
- Akuzat për përdorim të tepruar të forcës dhe tejkalim të autorizimeve
- Mekanizmat për ankesa qytetare – a funksionojnë?
- Si të ndërtohet besimi mes komunitetit dhe policisë?
12:45 – 13:00 Përfundim
- Përmbledhje e pikave kryesore nga diskutimi
- Roli i mediave dhe shoqërisë civile
- Propozime për përmirësimin e marrëdhënieve dhe komunikimit mes policisë dhe qytetarëve
Me respekt,
OJQ Aktiv
