Empirika: Returning RTV Mir to the Air / Omogućiti emitovanje RTV Mir / Të mundësohet transmetimi i RTV Mir
Komunikatë për shtyp: Të mundësohet transmetimi i RTV Mir nga Leposaviqi  
 
2 prill 2020 
 
Përkundër apeleve dhe njoftimeve të shumta nga shoqatat e mediave drejtuar publikut të gjerë, institucioneve përkatëse dhe komunitetit ndërkombëtar, deri më tani, nuk ka pasur ndonjë reagim adekuat nga institucionet përkatëse, si dhe nga operatorët lokalë kabllorë, për të mundësuar vazhdimin e transmetimit të programit të RTV Mir nga Leposaviqi. Ju kujtojmë se më 5 janar të këtij viti, pas marrjes në pronësi të operatorëve lokalë kabllorë nga MTS DOO, RTV Mir është shkyçur nga rrjeti kabllor i operatorëve në veri të Kosovës.  

Public statement/Saopštenje za javnost/Njoftim
Pas shpërthimit të pandemisë të përmasave globale, rajoni i Ballkanit Perëndimor po kërkon gjithashtu të gjejë (miratojë) një strategji adekuate për të kontrolluar përhapjen e virusit COVID-19 dhe në këtë mënyrë të ruajë stabilitetin dhe funksionalitetin e sistemeve ekzistuese shëndetësore. Caktimi i parimeve të qarta për menaxhimin e krizave në situata të jashtëzakonshme dhe futjes graduale të masave mbrojtëse për të mbrojtur popullsinë nga epidemia e një shkalle të gjerë duhet të jetë një prioritet kryesor i Qeverisë së Kosovës në luftën kundër virusit të tmerrshëm. Sidoqoftë, rreziku i një përhapjeje të mëtejshme të virusit po bëhet një kërcënim gjithnjë e më i rrezikshëm që, në vend të ndarjes, kërkon një qasje të përbashkët dhe bashkëpunim të ndërsjellë për të luftuar këtë epidemi. Sidoqoftë, në rrethanat komplekse që mbizotërojnë në Kosovë, në vend që të jetë mbikombëtarë, Covid-19 vepron shpesh si një virus monokombëtarë, sepse për shkak të mungesës së përkthimit zyrtar, njoftimet zyrtare nga Qeveria e Kosovës arrijnë tek komuniteti serb në Kosovë me vonesa të konsiderueshme. Gjithashtu, informacione të rëndësishme për korona virusin u dërgohen parapaguesve të telefonisë mobile ekskluzivisht në gjuhën shqipe. Konfuzioni shtesë krijohet edhe nga mungesa e vendimeve të qarta në lidhje me hyrjen dhe daljen nga Kosova, njohjen e dokumenteve personale, ku gjithashtu duhet të shtohet edhe qëndrimi i personave që hyjnë në Kosovë në karantinë, përfshirë lëvizjen brenda vetë Kosovës, për të cilën gjë komuniteti serb nuk është i njoftuar mjaftueshëm. Për shkak të paqartësive të shumta, është i rrezikuar furnizimi me pajisje mbrojtëse i qendrave të kujdesit shëndetësor dhe barnatoreve, të tilla si maska mbrojtëse, doreza, dezinfektues, të cilat sot pothuajse mungojnë në treg, dhe pa të cilat shumëfishohet niveli i rrezikut të popullsisë. Në kushtet e bashkëpunimit minimal, por në shumë raste joekzistent, ndërmjet Ministrisë së Shëndetësisë së Kosovës dhe qendrave mjekësore në komunitetet me shumicë serbe, është e diskutueshme se sa jemi në të vërtetë të përgatitur për t'iu përgjigjur në mënyrë adekuate luftimit të pandemisë.

Njoftim
Në përputhje me rekomandimet e lëshuara nga autoritetet përkatëse në lidhje me pandeminë Coronavirus (COVID-19), OJQ Aktiv ka marrë një vendim për mbylljen e përkohshme të zyrave të saj nga 16 Mars deri në njoftimin e ardhshëm. Stafi i OJQ-ve Aktiv do të vazhdojë të punojë nga shtëpia.

Projekat: Rritja e llogaridhënies së institucioneve të qeverisjes lokale në pjesën veriore të Kosovës

Transparometri komunal 2019
Transparenca dhe llogaridhënia e insitutucioneve publike, janë një nga parakushtet kyçe, për konsolidimin e një shteti demokratik. Transparenca e institucioneve publike, ndikon drejtpërdrejt në funksionimin e mirëfilltë të institucioneve publike dhe rrjedhimisht përmirëson jetën e qytetarëve. Për më shumë, transparenca institucionale rritë bashkëpunimin mes qytetarëve dhe institucioneve publike,  dhe mundëson pjesëmarrjen më të madhe të grupeve të margjinalizuara në vendimmarrje. Kështu, njëkohësisht  siguron që të ndërtohen politika më të qëndrueshme  dhe gjithëpërfshirëse.