22. nëntor. 2019. | 03:04

Divani i Llogaridhënies në Komunën e Parteshit

Si pjesë e projektit Qytetarët aktiv, të implementuar nga organizata joqeveritare Active nga Mitrovica e Veriut, me mbështetjen e Olof Palme Center, u mbajt një divan i llogaridhënies në Parteš / Parteshi të Mërkurën më 13 Nëntor 2019. Divan i llogaridhënies është koncepti i  Aktiv-it, qëllimi i të cilit është të bashkojë qytetarët e interesuar dhe përfaqësuesit e vetëqeverisjes lokale në një atmosferë joformale, në mënyrë që të zhvillohet një debat konstruktiv për tema të ndryshme me rëndësi për popullsinë vendase.

Gjatë takimit me përfaqësuesit e komunës së Parteshit/Parteshi, qytetarët e Parteshit/Parteshit shfrytëzuan rastin të theksojnë disa probleme me të cilat përballen në jetën e tyre të përditshme. Qytetarët shtruan pyetje për përfaqësuesit e vetëqeverisjes lokale dhe vunë në pikpyetje kompetencën aktuale të vetë komunës.

Kjo është e rëndësishme sepse shumica e problemeve që prekin qytetarët e kësaj komune vijnë nga një sferë e jetës socio-politike mbi të cilën komuna ka pak ose aspak ndikim. Qytetarët përmendën, dhe theksuan, shkallën e lartë të papunësisë së qytetarëve, veçanërisht të rinjve. Këta qytetarë të rinj largohen nga Parteshi dhe Kosova për të kërkuar punë në Serbi; megjithatë, shumë prej tyre emigrojnë drejtpërdrejt në vendet e Evropës Perëndimore.

Qytetarët e komunës së Parteshit gjithashtu theksuan disa tendenca pozitive në komunë, siç është tendenca e përmirësimit të cilësisë së shërbimeve që vetëqeverisja lokale u ofron qytetarëve, në fushën e shërbimeve dhe kujdesit shëndetësor. Gjithashtu u theksua se përparimi ishte i dukshëm edhe në fushën e investimeve kapitale, në veçanti ndërtimin dhe rindërtimin e infrastrukturës rrugore.